Azken errezetak

Baratxuri berrien nahaskia gulekin eta ganbekin

Osagaiak:

600 g gula, 500 g ganba zuritu, 400 g baratxuri samur, 16 arrautza, 4 tipulin, 4 baratxuri-ale eta piper lehortu bat

Prestaketa:

Bol bat prestatu, han osagaiak prestatuta botatzeko.

Tipulinak eta bi baratxuri-ale fin-fin xehatu. Baratxuriak olio berotan egin, eta ganbak bota. Eginda daudenean, xukatu eta bolean jarri.

Tipulinak sueztitu, xukatu eta bolean jarri.

Tipulinak egin dituzun zartagin berean, baratxuri samurrak frikitu. Xukatu eta bolean jarri.

Gulak angulak bezala prestatu, geratzen diren bi baratxuru-aleak eta pipermina xerratan ebakita erabiliz. Eginda daudenean, pipermina kendu, xukatu eta bolean jarri.

Norberaren gustura gozatu. Zartagin batean berotu, olio gutxirekin, edukian bolean jarri, eta bero dagoenean, arrautzak bota, zuringoa egiten utziz. Zuringoa egina dagoenean, guztiari eragin, nahaskia mamitu dadin.

Legatza sagardotan

Osagaiak:

6 legatz-kokote 300 gramoko, 14 koilarakada olio, 2 koilarakada hirin, tipula 1, eskukada 1 perrexil, 6 baratxuri-ale, sagardoa, txirlak, alkatxofak, zainzuriak eta ilarrak

Prestaketa:

Kazola sutan jarri, ondo xehatutako olio, baratxuri, tipula eta perrexilarekin; lehendabizi baratxuria; gero, tipula, eta biguntzen direnean, perrexila bota.

Ondoren, sagardoa bota, eta 5 minutu irakiten utzi. Hirina bota, saltsa loditzeko, eta gero, legatz-kokoteak, gozatuta. 5 minutu irakiten utzi; arrainari buelta eman, gainean jarri txirlak, alkatxofak eta esparragoak eta ilarrak, eta arraina egin arte egosten utzi.

Arrautza gogortuak ere badago botatzerik.

Entsalada epela gulekin eta ganbekin

Osagaiak:

400 g gula, 1 kg ganba zuritu, 250 g izokin keztatu, letxuga 1, 2 tipulin, olioa, sagar-ozpina, gatza, baratxuria eta pipermina

Prestaketa:

Letxuga garbitu eta ura kenduta erretilu batean jarri.

Izokinarekin eta julianan ebakitako tipulinarekin estali.

Ganbak baratxuriarekin egin, eta izokinaren gainean bota.

Gulak baratxuriarekin eta piperminarekin egin, eta ganben gainean bota.

Ozpin-olioa prestatu, olioaz, sagar-ozpinaz eta gatzaz, eta guztiaren gainean bota, saltsa gisa.

Limoizko sorbetea

Osagaiak:

Botila 1 Cava, 2 l. limoi-izozki eta jogurt natural aberastu 1

Prestaketa:

Osagaiak izozki erdi urtuan bota, eta irabiagailua pasa, izozki-puskarik geratzen den arte.

Pitxer bat bete prestatutakoarekin, eta hozkailuan sartu, zerbitzatzeko unera arte, pixka bat irabiatuz.